Блог

Иако можеби на прв поглед не можете да ја согледате потребата за користење на природна козметика но ве уверуваме дека доколку ја смените рутината по некое време разликата ќе стане и повеќе од воочлива.

  1. Ја намалуваат можноста за иритации и алергии

Хемикалиите, вештачките бои и филтери кои се користат во производите за грижа на кожата и декоративната козметика можат да предизвикаат црвенило, иритации и акни. Повеќето луѓе се алергични дури и на хемикалии кои се наоѓаат во конвенционално произведените продукти. Природната декоративна козметика и производи за грижа на кожата го намалуваат ризикот од истите. Односно придонесуват за нејзино подобрување наместо да ја иритираат. Секако секогаш постои опасноста да сте алергични и на некоја природна состојка но медицинското разбирање за природните алергени е многу пообемно одколку за синтетичките.

  2. Надополнети се со природни есенцијални масла за мирис 

Вештачките мириси се дизајнирани да го прикријат мирисот на другите хемикалии употребувани во традиционалните производи за убавина. Односно се употребува една хемикалија да прикрие друга, и сите овие хемикалии можат да предизвикаат главоболки кај луѓето. Природните производи за убавина мирисаат на нивните природни состојки не на коктел од хемикалии. Природните производи за убавина се дополнуваат со есенцијални масла кои исто така се природни.

  3. Користат природни состојки за продолжување на рокот на траење

Парабените се оние кој најчесто се користат во конвенционалните производи за убавина и грижа за кожата како би се продолжил нивниот рок на траење. Вештачките состојки како парабените може да му помогнат на некое својство на производот, но истите остават и простор за несакани својства кои не се откриени при самото тестирање на истиот поради мешањето на хемикалиите на еден производ со друг. Природните производи за убавина користат природна заштита како што е екстракт од семе од грејпфрут, кое нема да и наштети на вашата кожа.

  4. Безбедни се за користење и по подолга употреба

Иако на прв поглед неприродните производи делуваат побрзо, со тек на време можат да предизвикаат штета поради состојките кои ги содржат.
Многу природни производи имаат подобри резултати од конвенционалните бидејки не содржат непотребни филтри и состојки кои можат да предизвикаат иритации. За природната нега потребно е повеќе време да се види резултатот но со нивна употреба придонесувате за вашето здравје и за подобрување на еколошката состојба насекаде, бидекји скоро сите природни производи доаѓаат во еколошко паковање.


  5. Безбедни се за околината

Производите направени од конвенционалните состојки може да имаат негативни еколошки последици. При производството на производи за нега и грижа на убавината со хемикалии, ги распространуваат овие хемикалии низ воздухот и водата. Кога се произведуваат производи на природна база производството на хемикалиите е на многу ниско ново. Дополнително скоро сите природни производи се пакуваат во еколошки пакувања кои подоцна може да се рециклираат или реупотребат.

Меѓународниот ден на жената е светски празник што се одбележува на секоја година на 8 март. Тоа е ден кога се одбележува борбата на жените за економска, политичка и социјална рамноправност со мажите.

Го имаме 8-ми март, денот на жената. Ова е прославувањто на пролетта, будењето на природата, инкарнирано во жената! Што очекуваат жените од 8 март? Прво, изјавување на љубов, восхит, радост, комплименти за нивната рајска убавина. Второ, нивната важност и улога во семејниот живот, работата и колку се тие ценети.  Очекуваат и мали изненадувања, цвеќиња, подароци и други слатки знаци на внимание.

Традицијата на овој празник е да им дадете на жените цвеќиња. Целиот ден посветете го да ги славите и прославите жените во вашиот живот. Не планирајте други деловни состаноци. Уживајте во денот! 8-ми март е денот кога жените се среќни и се смеат и им се заблагодаруваат на своите семејства бидејќи можат да се одморат и да се релаксираат и да заборават на нивната секојдневна рутина. Затоа, нека биде барем овој ден можност за нечија искрена насмевка и среќа. За убаво чувство и посебност.

Овошните киселини се состојки пронајдени во голем број производи за нега на кожата, вклучувајќи средства за чистење, тонери, навлажнувачи и серуми. Добиени од широк спектар на овошје, како што се шеќерна трска (гликолна киселина), јаболка и круши (јаболкова киселина), портокали и лимони (лимонска киселина), грозје (винска киселина) или горчливи бадеми, овие киселини се користат бидејќи продираат во кожата и помагаат да се ексфолира или да се одстранат мртвите клетки на кожата кои се наоѓаат на највисоката површина на кожата, со што ќе се појават нови и поздрави клетки на кожата. Постојат докази кои покажуваат дека овошните киселини можат да помогнат да се стимулира производството на колаген и еластин.

Киселините од овошјето, јаболката и цитрусите, како и од киселото млеко и виното, ги отстрануваат мртвите клетки од кожата, ја задржуваат влагата и ја враќаат свежината. Нема идеален период за користење на овошни козметички препарати.

Овошните киселини се одлични во борбата против пигментацијата, флеките, акните и лузните од акни, бидејќи ја ослободуваат кожата од бактерии и вишок масти, каде брзо се таложат. Ги подмладуваат и ревитализираат клетките и кожата после третирањето е мазна, сјајна и затегната. Исто така се користат за лекување на низа дерматолошки состојби, вклучувајќи ги акните, сувата кожа, псоријазата, актиничната кератоза и мелазмот.

Невенот е нежен и познат по своите енергични и смирувачки моќи.

Од каде доаѓа лековитоста на невенот? Оваа билка е од семејството на сончогледи и ѐ составена од каротеноиди, флавоноиди и етерични масла.

Кремите од невен се хидратанти, смирувачки, лесно се апсорбираат и ја спречуваат сувоста на кожата. Помагаат во одржување на рамнотежата на влагата на кожата, при воспалени вени како и за секое оштетување на кожата, лечење на рани и изгореници, алергиски реакции на кожата, за лечење на проширени вени, против акни и чиреви на кожата, воспаленија, убоди од инсекти, исипувања. Невенот покрај тоа што има антиинфламаторно, има и антигабично дејство, што го прави поволен и за третирање на габичните инфекции на кожата.

Во кои случаи не смее да се користи невен?

Невенот не треба да го користат лица кои се алергични на камилица, ехинацеа, лутиче и другите билки од фамилијата Asteraceae, бидејќи може да постои вкрстена алергија и на невен. Затоа на тие лица им се советува внимателна употреба на невенот и неговите препарати.

Моќните антиоксиданти во малиот жолт цвет го држат клучот за помагање на и намалување на многу воспалителни и здравствени проблеми. Оваа прекрасна билка може да се меша во многу хомеопатски и природни производи, почнувајќи од чаеви па се до кремите и маслата. За масото од невен ќе прочитате повеќе во нашиот следен блог пост.

Од сите аспекти, маслото од арган е добро за кожата. Има навлажнувачки својства, анти-воспалителни својства и исто така ја штити кожата од слободните радикали и УВ зраците. За разлика од потешките масла, како што се кокосовото или маслиновото масло, кои имаат поголеми молекуларни големини, релативно малите молекули во маслото од арган побрзо се апсорбираат во кожата и затоа имаат помала веројатност да ги затворат порите.

Маслото од арган нема да помогне да ги избриште постоечките брчки но ќе ги спречи знаците на стареење.

Аргановото масло содржи голем број на лековити својства, вклучувајќи антиоксидантни и антиинфламаторни својства. И двете помагаат да се намалат симптомите за голем број различни воспалителни состојби на кожата како псоријаза и розацеа.

За најдобри резултати, најдобро е да нанесеме чисто масло од арган директно на кожата погодена од псоријаза. Розацеа најдобро може да се третира со земање орални додатоци.

Маслото од арган исто така содржи линолеинска киселина, која произведува простагландини, кои помагаат да се регулира крвниот притисок, отчукувањата на срцето и функцијата на имунолошкиот систем, како и измазнување на мускулната контракција. Каротеноидите кои ги има во маслото исто така го спречуваат развојот на клетките на ракот, како и помагаат во кардиоваскуларното здравје.

Може ли да се јаде аргановото масло? Апсолутно! Да! Во Мароко, се јаде со леб, кускус и салати. Мароканците не одолеале а да не му најдат примена и во нивната  богатата кујна на ова “ течно злато”.

Маслото од макадамија има неверојатни својства кои ја истакнуваат природната убавина на кожата и косата. Ова прекрасно масло со светло златна боја кое ни доаѓа од далечната Австралија има револуционерен подмладувачки ефект врз кожата и е предуслов за здрава и сјајна коса. Маслото од макадамија е помалку познато за разлика од останатите масла како арган, јојоба или кокос, но тоа не го прави и помалку ефикасно. Допрва се преоткрива неговото неверојатно ревитализирачко дејство не само врз кожата и косата, туку и врз целиот организам доколку се внесува заедно со останата исхрана. Се добива од плодовите на едно дрво кое расте исклучиво во Австралија и е откриено пред повеќе од 500 години од страна на австралиските староседелци - Аборџините. За нив плодовите од макадамија претставувале една од основните прехранбени производи, средство за трговија, медицина и козметика.

Маслото од плодовите на макадамија содржи витамини А и Е и поседува 80% здрави незаситени масни киселини, што го прави слично на кокосовото масло. Во мала количина се присутни омега-6 масни киселини, додека на заситени масни киселини отпаѓа само 16% од вкупната содржина. Маслото од макадамија изобилува со палмитолеинска киселина, која е една од најмоќните антиоксиданси и помага во спречувањето на штетното влијание на слободните радикали кои се причина за предвременото стареење на кожата. Исто така содржи и олеинска киселина која е задолжена за регенерацијата на кожата и која го прави ова масло поиздржливо на надворешните влијание. Понатаму содржи и омега 3 и 6 масни киселини и два многу важни витамини задолжени за одржување на убавиот изглед од групата B (B3 нијацин  и B1 тијамин).

Маслото од макадамија е исклучително ефикасно кога станува збор за убавината, здравјето и негата на косата. Спас е за сува, оштетена и коса без сјај. Благодарение на големиот процент на витамин Е во маслото од макадамија, го обновува кератинот во влакното и на тој начин го забрзува обновувањето на косата и длабински ја потхранува. По употребата на козметички производи со масло од макадамија косата ќе добие неверојатен сјај, станува помазна и полесна за расчешлување. Со оглед на тоа што маслото од макадамија активно и ефикасно ја ревитализира косата, таа побрзо расте и е поздрава.

Кристалните (минерални) суви дезодоранси од ден на ден стануваат се популарни. Некои тврдат дека тие се најдоброто нешто што некогаш го пробале, додека други не се подготвени да експериментираат и сакаат да се држат до класичните дезодоранси и антиперспиранти. Тоа не потикна да истражиме повеќе на темата и да ги откриеме разликите помеѓу минералните суви дезодоранси и класичните антиперспиранти и што ги прави минералните суви дезодоранси толку посебни?

Првенствено, да ја разјасниме разликата помеѓу кристалните дезодоранси и антиперспирантите. Дезодорансите се создадени да ја елиминираат и неутрализираат миризбата на телото предизвикана од потење. Високо квалитетните дезодоранси ги уништуваат и го спречуваат размножувањето на бактериите кои се одговорни за непријатниот мирис, додека дезодорансите со низок квалитет едноставно го маскираат мирисот на потењето. Антиперспирантите од друга страна го запираат или значително го намалуваат потењето и на тој начин го спречуваат појавувањето на непријатниот мирис и го спречуваат развојот на бактерии, заради намалувањето на влажната средина која им е најпогодна за нивен развој.

Антиперспирантите со тоа што го запираат потењето, не му дозволуваат на телото да се ослободи од токсините и ја попречуваат природната терморегулација на организмот. Иако антиперспирантите претставуваат ефикасна заштита против непријатниот мирис на телото, нивната честа употреба не се препорачува. Антиперспирантите во својот состав содржат алуминиум хлорохидрат и други хемиски соединенија кои реагираат со електролитите во потта и се таложат во потните жлезди, заедно со токсините кои заради спречување на процесот на потење не се исфрлиле од нашето тело. Како резултат на тоа, антиперспирантите може да предизвикаат иритации, па дури и воспаление на потните жлезди (хидратинитис). Покрај тоа  луѓето кои често ги користат антиперспирантите, особено во врелите летни денови имаат зголемен ризик од топлотен удар, заради нарушената терморегулација на организмот.

Кристалните суви дезодоранси се безбедна замена за антиперспирантите и повеќето дезодоранси на пазарот. Тие се исто така познати како минерални дезодоранси, природни дезодоранси или природен камен кристал од алунит. Кристалните дезодоранси се ослободени од алуминиум хлорохидрат, алкохол, цинк оксид, триклосан и други потенцијално штетни или иритирачки соединенија, парабени, алкохол и сл. кои можат да предизвикаат алергиски реакции, воспаленија итн. Нивната клучна состојка е калиум алум (potasium alum) или народно кажано алунит или стипса, природен сулфатен минерал, кој дури се употребува и во прехрамбената индустирија и при одгледувањето на некои земјоделски култури, кој има изразено антибактериско и антисептичко дејство. Го спречува размножувањето на бактериите кои се главни „виновници“ одговорни за миризбата на телото без да влијаат на природниот процес на потењето и терморегулацијата на организмот. Кристалните дезодоранси се нежни и безбедни и не предизвикуваат кожни иритации и алергии, економични затоа што минералните соли постепено и бавно се раствораат, со што еден кристален дезодоранс може да го употребувате и повеќе години и се со неутрален мирис и претставуваат одлична подлога за Вашиот омилен парфем.

Покрај кристалните дезодоранси во поново време на пазарот се појавуваат и дезодоранси во форма на стик или рол-он на база на природни билки како Алоето, без никакви штетни метали, алкохол, парабени и сл кои се препорачуваат за исклучително нежна кожа која лесно се иритира и воспалува од потта. Покрај справувањето со непријатната миризба, билките и етеричните масла помагаат овие воспаленија и флеки да се смират и да се ублажат.

За крај би сакале да додадеме дека без разлика дали ќе одберете антиперспирант,  кристален сув дезодоранс, стик на база на билки или етерично масло не треба да се заборава на личната и редовна хигиена, исхраната, здравиот начин на живот кои се исто така фактори кои што најмногу влијаат на непријатната миризба и доколку не обрнеме внимание, ниту еден козметички производ нема да ни помогне.

Предностите на растителните бамбусовите влакна се многубројни:

1. Растителните бамбусови влакна благодарение на уникатната структура на влакната имаат огромна апсорпциска моќ.
2. Бамбусовите влакна имаат антибактериско и антифунгално дејство, благодарение на
   нивниот уникатен состав. Бамбусовите влакна одбиваат штетници и инсекти, што е уште еден голем плус на растението, бидејќи тоа може да расте без употребата на штетните пестициди. Поради овие квалитети бамбусови крпи не дозволуваат развој на бактерии, и поради апсорпцијата на влага, не дозволуваат непријатните миризби да се појавуваат на нив.
3. Бамбусовите влакна се биоразградливи, па кога се фрла излитената крпа, таа не загадува, бидејќи се разградува во природата. Бамбусот  е комплетно природен, расте и се размножува сам, без какво и да е влијание и грижа од луѓето. Тој расте побрзо од кое било друго растение и дури по неговото сечење, израснува повторно, истовремено збогатувајќи ја почвата врз која расте.
4. Бамбусовите влакна имаат овална површина, што ги прави многу меки и пријатни при допир.
5. Крпата од бамбус е природно антиалергиска. Таа никогаш нема да ја иритира кожата. Доколку имате кожни алергии, дерматитис или понежна кожа, нема да имате проблеми со употребата на крпите од бамбус што претставува големо олеснување за луѓето со кожни проблеми.

Летото и топлите денови се во полн ек и сигурно се согласувате дека нема ништо подобро и поосвежувачко од едно ладно SMOTHIE.

Но доброто smoothie бара повеќе од само безредно трупање на различни состојки во екстрактор и нивна екстракција.

За да подготвиме совшено и здраво smoothie потребно е да се почитуваат некои правила кои влијаат на неговиот квалитет. Основното правило кое треба да го знаеме е распоредот на состојките кои ги додаваме во екстракторот како би постигнале кремава и глатка структура. Првиот чекор е да ги распоредиме по категории различните состојки според нивната структура и со тоа да го определиме и нивниот редослед при припремата на нашиот пијалок.

Затоа ќе започнеме од дното кон врвот, слоевито да Ви го прикажеме правилното додавање на состојките во екстракторот за подготовка на перфектно smoothie.

1.      Течна основа

Независно од изборот на течност која ќе ја одберете за подготовка на Вашето smoothie обично кравјо млеко, јогурт, некое растително млеко (бадемово, овесно, кокосово итн.), кафе, чај или обична вода.... течноста е потребно прва да се додаде во чашата од екстракторот.

Со сипањето на течноста на дното на чашата му помагате и му давате сила на екстракторот полесно да ги обработи останатите потврди состојки који подоцна ќе ги додадете. Имајте на ум дека количината на течност ја определува густината на пијалокот и затоа за почеток опуштете се и експериментирајте со различни количества на течност, додека не го откриете Вашиот идеален сооднос.

2.      Засладувачи, зачини во прав, протеини и суплементи

Иако некои од нив е подобро што помалку да ги употребувате, доколку тренирате и употребувате протеини во прав, некои додатоци во исхрана во прав како (спирулина и пробиотици), како и зачините во прав (цимет, ванила, ѓумбир во прав, куркума итн.) и засладувачи (мед, јаворов сируп, стевиа, шеќер)  се додаваат веднаш по течноста. Често пати правиме грешка и овие состојки ги додаваме на крај и тогаш наместо кремастиот вкус на пијалокот, го чувствуваме брашнестиот вкус од засладувачите, заради тоа што не се раствориле потполно во екстракторот. Кога состојките во прав ги додаваме веднаш по течноста тие во целост се раствораат и се соединуваат со останатите состојки и не остануваат залепени по зидовите на чашата од екстракторот.

3.      Вашиот омилен зелен лиснат зеленчук

Трет по редослед за додавање е зелениот лиснат зеленчук како што се спанаќ, блитва, рукола, магдонос, зелка и останатите лиснати зеленчуци кои што треба да бидат во близина на дното на екстракторот за да можат подобро да се соединат со течноста и засладувачите.

Бонус совет: откако ќе ги ставите течноста, засладувачите и лиснатите зеленчуци можете кратко да го вклучите екстракторот за да ги измешате малку, зошто на овие состојки им е потребно малку повеќе време за соединување.

4.      Кремасти состојки

Веќе сме направиле половина од работата и од тука па натаму состојките кои ги додаваме ги делиме според нивната црвстина со што најпрво ги одбираме најмеките за на крај да ги додадеме најтврдите состојки. Во четвртиот чекор ги додаваме сите кремасти состојки кои сакаме да бидат вклучени во нашиот пијалак како што се павлака, таан, тофу, кокосово, бадемово или некое друго масло од јатки и разни други кремасти состојки кои придонесуваат за интензивен и кремас вкус на нашиот пијалок.

5.      Свежо овошје и зеленчук, семиња, јатки и житарки

Сега е време да ги додадеме и свежото овошје по Ваш избор и во зависност од сезоната во која го подготвувате smoothie ( малини, јагоди, авокадо, јаболки, диња, манго, брокула, морков, краставица....навистина списокот е бесконечен) и ова е најважната група на состојки која го дава вкусот, хранливата и нутритивна вредност на пијалокот. Не постои некој вид овошка или зеленчук кој што не може да се вклопи во некој рецепт за smoothie. За подобро да може да се екстрахираат Ви препорачуваме пред да ги додадете да ги исечете на парчиња. Исто така во овој чекор се додаваат и разните семиња (од сончоглед, тиква, чиа, лен итн), како и јаткастите плодови (ореви, бадеми, лешници итн) и житарките (овесни, ржани снегулки итн). Овие состојки ги употребуваме за нашиот пијалок да ја постигне потребната густина, а и како богат извор на природни протеини, растителни влакна, витамини, минерали и други нутритивни вредности.

6.      Замрзнато овошје и мраз

На крај пред да ја затвориме чашата и да започнеме со екстракција ги додаваме најтврдите состојки – коцки мраз и замрзнато овошје (банана, шумско овошје) и зеленчук. Нивната поголема тежина ќе им помогне да продрат до дното и да се соединат со останатите состојки.

Иииии конечно ВРЕМЕ е да ја затвориме и притиснеме чашата од екстракторот и за миг да добиеме еден совршен освежителен SMOOTHIE спремен за сервирање и конзумирање.

На здравје

Употребата на слузот од полжав им бил познат на античките Грци, каде што познатиот лекар Хипократ препорачувал мелем за воспаленија на кожата од истолчени куќарки од полжави потопени во млеко. Но низ годините ефикасното делување на слузот од полжав се заборава, се до пред 20-тина години. Револуционерното дејство на слузот од полжави е случајно повторно откриено од сопственикот на една фарма за полжави во Чиле. Фармерот забележува дека рацете на неговите работници се секогаш мазни и без лузни, иако во текот на нивната работа постојано се подложни на исекотини од оштрите лушпи од куќарките на полжавите, што го наведува на ова револуционерно откритие. Потоа се прават испитувања кои ги потврдуваат корисните својства на слузот од полжавите врз кожата на човекот. Истражувањето објавено од Меѓународната дерматолошка асоцијација го потврдува моќното регенеративно дејство на слузот од полжав врз кожата, благодарение на многуте биолошко активни материи на кожата како алантоин, колаген, еластин, витамини, глукозаминогликани. Слузот од полжав не може да се произведе вештачки во лабараторија и се добива по специјална технологија во специјални фарми, каде што се чуваат и живеат полжавите во природни услови.
Денес козметичките производи со слуз од полжав се омилени на многу холивудски убавици за нега на кожата и одржување на нивниот блескав младешки изглед.

Бидејќи Green Master секогаш е во чекор со најновите достигнувања во козметичката индустрија, во својата широка палета на производи воведе и козметички креми и лосиони со слуз од полжав кои многу брзо ги освоија срцата на нашите верни клиенти и се претворија во ХИТ најпродавани производи, заради нивниот квалитет, ефикасност и секако добрата цена. Тоа се следните производи:

Stolz Крем со слуз од полжав за лице и тело - 150 ml

Vis Plantis Лосион со слуз од полжав против стрии - 500 ml

Vis Plantis Антицелулитен лосион со слуз од полжав - 500 ml

www.greenmaster.info